PM Kisan ದೇಶದ ಲಕ್ಷಾಂತರ ರೈತರಿಗೆ ಆರ್ಥಿಕ ಸಹಾಯವನ್ನೂ, ನೆಮ್ಮದಿಯ ಉಸಿರನ್ನೂ ನೀಡುತ್ತಿರುವ ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ 20ನೇ ಕಂತು ಈ ವರ್ಷದ ಜೂನ್ ತಿಂಗಳಲ್ಲಿ ಬಿಡುಗಡೆ ಆಗುವ ಸಾಧ್ಯತೆ ಇದೆ. ಈ ಹಂತದಲ್ಲಿ ಅರ್ಹ ರೈತರಿಗೆ ₹2,000 ಮೊತ್ತವನ್ನು ನೇರವಾಗಿ ಅವರ ಬ್ಯಾಂಕ್ ಖಾತೆಗೆ ವರ್ಗಾಯಿಸಲಾಗುತ್ತದೆ.
ಇನ್ನೂ ಹಿಂದೆ ಏನು ನಡೆದಿತ್ತು.?
ಇದಕ್ಕೂ ಮೊದಲು, 19ನೇ ಕಂತು 2025ರ ಫೆಬ್ರವರಿ 24 ರಂದು ಬಿಡುಗಡೆ ಮಾಡಲಾಗಿತ್ತು. ಸುಮಾರು 9.8 ಕೋಟಿ ರೈತರು ಈ ಸಹಾಯಧನವನ್ನು ಪಡೆದಿದ್ದು, ಇದರಲ್ಲಿ 2.4 ಕೋಟಿ ಮಹಿಳಾ ರೈತರು ಸೇರಿದ್ದರು. ಈ ಹಿಂದೆ 17ನೇ ಕಂತು ಜೂನ್ 2024 ಮತ್ತು 18ನೇ ಕಂತು ಅಕ್ಟೋಬರ್ 2024ರಲ್ಲಿ ಬಿಡುಗಡೆ ಆಗಿತ್ತು.
PM ಕಿಸಾನ್ ಯೋಜನೆ ಏನು.?
ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ 2019ರ ಬಜೆಟ್‌ನಲ್ಲಿ ಘೋಷಣೆಯಾದ ನಂತರ ಪ್ರಾರಂಭವಾಯಿತು. ಯೋಜನೆಯಡಿ ಸಣ್ಣ ಮತ್ತು ಅತಿ ಸಣ್ಣ ರೈತ ಕುಟುಂಬಗಳಿಗೆ ವರ್ಷಕ್ಕೆ ₹6,000 ನಗದು ಸಹಾಯಧನವನ್ನು ಮೂರು ಕಂತುಗಳಾಗಿ – ಏಪ್ರಿಲ್-ಜುಲೈ, ಆಗಸ್ಟ್-ನವೆಂಬರ್, ಡಿಸೆಂಬರ್-ಮಾರ್ಚ್ – ರೂಪದಲ್ಲಿ ನೀಡಲಾಗುತ್ತದೆ.
ಫಲಾನುಭವಿ ಸ್ಥಿತಿಯನ್ನು ಹೇಗೆ ಪರಿಶೀಲಿಸಬಹುದು?
- ಅಧಿಕೃತ ವೆಬ್‌ಸೈಟ್ www.pmkisan.gov.in ಗೆ ಭೇಟಿ ನೀಡಿ
- ‘Know Your Status’ ಅಥವಾ ‘ಫಲಾನುಭವಿ ಸ್ಥಿತಿ’ ಎಂಬ ಲಿಂಕ್ ಕ್ಲಿಕ್ ಮಾಡಿ
- ನಿಮ್ಮ ನೋಂದಣಿ ಸಂಖ್ಯೆ ಹಾಗೂ ಕ್ಯಾಪ್ಚಾ ಕೋಡ್ ನಮೂದಿಸಿ
- ನಂತರ ‘Get Data’ ಆಯ್ಕೆಮಾಡಿ – ನಿಮ್ಮ ಫಲಾನುಭವಿ ಸ್ಥಿತಿಯ ವಿವರಗಳು ಪ್ರದರ್ಶಿಸಲಾಗುತ್ತವೆ
ಫಲಾನುಭವಿ ಪಟ್ಟಿಯಲ್ಲಿ ನಿಮ್ಮ ಹೆಸರು ಇಲ್ಲದಿದ್ದರೆ?
- www.pmkisan.gov.in ಗೆ ಹೋಗಿ
- ‘Beneficiary List’ ಆಯ್ಕೆಮಾಡಿ
- ರಾಜ್ಯ, ಜಿಲ್ಲೆ, ತಾಲೂಕು, ಬ್ಲಾಕ್ ಹಾಗೂ ಗ್ರಾಮವನ್ನು ಆಯ್ಕೆ ಮಾಡಿ
- ‘Get Report’ ಕ್ಲಿಕ್ ಮಾಡಿ – ಫಲಾನುಭವಿಗಳ ಪಟ್ಟಿ ಬರುತ್ತದೆ
ಇ-ಕೆವೈಸಿ ಅಗತ್ಯವಿದೆ
ರೈತರು ಹಣ ಪಡೆಯಲು ತಮ್ಮ ಇ-ಕೆವೈಸಿ (e-KYC) ಪ್ರಕ್ರಿಯೆ ಪೂರೈಸಿರಬೇಕು. ಈ ಕಾರ್ಯವನ್ನು OTP ಆಧಾರಿತವಾಗಿ ಪೋರ್ಟಲ್‌ನಲ್ಲಿ ಅಥವಾ ಹತ್ತಿರದ ಸಿಎಸ್ಕೆ (CSC) ಕೇಂದ್ರಗಳಲ್ಲಿ ಬಯೋಮೆಟ್ರಿಕ್ ಮುಖಾಂತರ ಮಾಡಬಹುದು.
ಹೊಸ ರೈತರು ಹೇಗೆ ಅರ್ಜಿ ಸಲ್ಲಿಸಬೇಕು?
- www.pmkisan.gov.in ಗೆ ಭೇಟಿ ನೀಡಿ
- ‘New Farmer Registration’ ಆಯ್ಕೆಮಾಡಿ
- ಆಧಾರ್ ಸಂಖ್ಯೆ, ಬ್ಯಾಂಕ್ ವಿವರಗಳು, ಭೂಮಿ ದಾಖಲೆಗಳನ್ನು ಭರ್ತಿ ಮಾಡಿ
- ಅರ್ಜಿಯನ್ನು ಸಲ್ಲಿಸಿ ಮತ್ತು ದೃಢೀಕರಣ ಪಡೆಯಿರಿ
ಸಹಾಯವಾಣಿ ಸಂಖ್ಯೆ:
- 📞 155261
- 📞 011-24300606
