Loan: ಸಾಲ ತೆಗೆದುಕೊಂಡ ವ್ಯಕ್ತಿಯ ಸಾವಾದರೆ ಸಾಲ ಯಾರು ತೀರಿಸಬೇಕಾಗುತ್ತದೆ.? ಕಾನೂನು ಹೇಳೋದೇನು ನೋಡಿ.!
ಇಂದಿನ ಕಾಲದಲ್ಲಿ ಮನೆ, ಕಾರು ಖರೀದಿಸಲು ಅಥವಾ ಇತರ ಅಗತ್ಯಗಳ ಪೂರಣೆಗೆ ಸಾಲ(Loan) ಪಡೆಯುವುದು ಸಾಮಾನ್ಯವಾಗಿದೆ. ಯಾವುದೇ ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆ ಸಾಲ ನೀಡುವಾಗ, ಅರ್ಜಿದಾರರ ಕ್ರೆಡಿಟ್ ಇತಿಹಾಸ, ಆದಾಯದ ಮೂಲ ಮತ್ತು ಮರುಪಾವತಿ ಸಾಮರ್ಥ್ಯವನ್ನು ಪರಿಶೀಲಿಸುತ್ತದೆ.
ಸಾಲಗಾರ ಸಾವಾದರೆ ಏನಾಗುತ್ತದೆ?
ಸಾಲಗಾರನ ಸಾವಿನ ಸಂದರ್ಭದಲ್ಲಿ, ಮೊದಲು ಬ್ಯಾಂಕ್ ಸಹ-ಅರ್ಜಿದಾರರನ್ನು ಸಂಪರ್ಕಿಸುತ್ತದೆ. ಬಹುತೇಕ ಗೃಹಸಾಲ, ಶಿಕ್ಷಣಸಾಲ ಅಥವಾ ಜಂಟಿ ಸಾಲಗಳಲ್ಲಿ ಸಹ-ಅರ್ಜಿದಾರರ ಹೆಸರು ನೋಂದಾಯಿಸಲಾಗಿರುತ್ತದೆ. ಈ ಕಾರಣದಿಂದ, ಸಹ-ಅರ್ಜಿದಾರರು ಸಾಲದ ಮರುಪಾವತಿಯ ಹೊಣೆ ಹೊತ್ತುಕೊಳ್ಳಬೇಕಾಗುತ್ತದೆ.
ಖಾತರಿದಾರರು ಸಾಲ ಪಾವತಿಸದಿದ್ದರೆ?
ಸಹ-ಅರ್ಜಿದಾರರು ಅಥವಾ ಖಾತರಿದಾರರು ಸಾಲ ಪಾವತಿಸಲು ಸಾಧ್ಯವಾಗದಿದ್ದರೆ, ಬ್ಯಾಂಕ್ ಮೃತ ವ್ಯಕ್ತಿಯ ಕಾನೂನುಬದ್ದ ವಾರಸುದಾರರನ್ನು ಸಂಪರ್ಕಿಸುತ್ತದೆ. ಇದರಲ್ಲಿ ಪತ್ನಿ, ಮಕ್ಕಳು ಅಥವಾ ಪೋಷಕರು ಸೇರಬಹುದು. ಬ್ಯಾಂಕ್ ಈ ಕುಟುಂಬ ಸದಸ್ಯರಿಂದ ಸಾಲ ಮರುಪಾವತಿಸಲು ಕೇಳಬಹುದು.
ಬ್ಯಾಂಕ್ ಆಸ್ತಿಯನ್ನು ಯಾವಾಗ ವಶಪಡಿಸಿಕೊಳ್ಳಬಹುದು?
ಉತ್ತರಾಧಿಕಾರಿಗಳು ಅಥವಾ ಖಾತರಿದಾರರು ಸಾಲ ಪಾವತಿಸಲು ಸಾಧ್ಯವಾಗದಿದ್ದರೆ, ಬ್ಯಾಂಕ್ ಮೃತ ವ್ಯಕ್ತಿಯ ಆಸ್ತಿಯನ್ನು ವಶಪಡಿಸಿಕೊಳ್ಳುವ ಮತ್ತು ಮಾರಾಟ ಮಾಡುವ ಹಕ್ಕನ್ನು ಹೊಂದಿರುತ್ತದೆ. ಗೃಹಸಾಲದ ಪರಿಸ್ಥಿತಿಯಲ್ಲಿ, ಬ್ಯಾಂಕ್ ಮನೆಯನ್ನೇ ಹರಾಜು ಹಾಕಿ ಸಾಲ ಮರುಪಾವತಿ ಪಡೆಯಬಹುದು.
ಸಾಲ ವಿಮೆ ಇದ್ದರೆ?
ಮೃತರು ಸಾಲ ವಿಮೆಯನ್ನು ತೆಗೆದುಕೊಂಡಿದ್ದರೆ, ಅವರ ಸಾವಿನ ನಂತರ ವಿಮಾ ಕಂಪನಿಯು ಸಾಲವನ್ನು ಪೂರ್ತಿಯಾಗಿ ಪಾವತಿಸುತ್ತದೆ. ಇದರಿಂದ ಕುಟುಂಬದ ಮೇಲೆ ಯಾವುದೇ ಹಣಕಾಸು ಹೊರೆ ಬೀಳುವುದಿಲ್ಲ. ಆದ್ದರಿಂದ, ದೊಡ್ಡ ಮೊತ್ತದ ಸಾಲ ತೆಗೆದುಕೊಳ್ಳುವ ಮುನ್ನ, ಸಾಲ ವಿಮೆ ಮಾಡಿಸುವುದು ಒಳಿತು.
ಈ ನಿಯಮಗಳನ್ನು ಗಮನದಲ್ಲಿಟ್ಟುಕೊಂಡು ಸಾಲವನ್ನು ಪಡೆಯುವುದು ಮತ್ತು ಅದರ ಮರುಪಾವತಿಯ ಹೊಣೆಯನ್ನು ಸಮಜಿಕೊಳ್ಳುವುದು ಅಗತ್ಯವಾಗಿದೆ.
