Loan ತಂದೆ ಸಾಲ ತೀರಿಸದೆ ಹೋದರೆ, ಆ ಹೊರೆ ಮಗನ ಮೆಲೆಯಲ್ಲಿ ಬೀಳುತ್ತಾ?
ಮನೆ ಕಟ್ಟಲು, ವ್ಯವಹಾರ ಆರಂಭಿಸಲು ಅಥವಾ ಮಗಳ ಮದುವೆಗೆ ಹಲವರು ಬ್ಯಾಂಕುಗಳಿಂದ ಸಾಲ(loan) ಪಡೆಯುವುದು ಸಾಮಾನ್ಯ. ಸಾಲವನ್ನು ಸಮಯಕ್ಕೆ ಪಾವತಿಸುವವರು ಇದ್ದರೆ, ಕೆಲವೊಬ್ಬರು ಅದನ್ನು ಪಾವತಿಸದೆಯೇ ಆತ್ಮಹತ್ಯೆಗೂ ಶರಣಾಗುತ್ತಾರೆ. ಇನ್ನು ಕೆಲವರು ಸಾಲ ತೀರಿಸದೇ ತೀರಿಗೊಳ್ಳುತ್ತಾರೆ.
ಹೀಗೆ ಸಾಲಗಾರ ತೀರಿಗೊಂಡರೆ, ಅವರ ಸಾಲ ಪಾವತಿಯ ಹೊರೆ ಮಗನಿಗೆ ಬದಲಾಗುತ್ತಾ ಎಂಬ ಪ್ರಶ್ನೆ ಅನಿವಾರ್ಯವಾಗಿ ಉದ್ಭವಿಸುತ್ತದೆ. ಯಾರು ಈ ಹೊರೆಗೆ ಜವಾಬ್ದಾರರು? ಬ್ಯಾಂಕ್‌ಗಳು ಹಣವನ್ನು ಹೇಗೆ ವಸೂಲಿ ಮಾಡುತ್ತವೆ? ಈ ಕುರಿತಂತೆ ಭಾರತದಲ್ಲಿನ ಕಾನೂನು ಏನು ಹೇಳುತ್ತದೆ ಎಂಬುದು ಈ ಲೇಖನದ ಮುಖ್ಯ ವಿಷಯ.
ತಂದೆ ತೀರಿಗೊಂಡ ಬಳಿಕ ಸಾಲ ಪಾವತಿ ಮಾಡುವುದು ಮಗನ ಜವಾಬ್ದಾರಿಯೆ?
ಹೆಚ್ಚು ಸಂದರ್ಭಗಳಲ್ಲಿ, ಮಗನು ತಂದೆಯಿಂದ ಆಸ್ತಿ ಪಡೆದಿದ್ದರೆ ಮಾತ್ರ ಅವರ ಸಾಲವನ್ನು ತೀರಿಸಲು ಜವಾಬ್ದಾರನಾಗಿರುತ್ತಾನೆ. ಇದರಲ್ಲಿ ಎರಡು ಮುಖ್ಯ ಕಾನೂನುಗಳು ನಿರ್ಣಾಯಕ ಪಾತ್ರವಹಿಸುತ್ತವೆ:
1. ಭಾರತೀಯ ಉತ್ತರಾಧಿಕಾರ ಕಾಯ್ದೆ, 1925:
ಈ ಕಾಯ್ದೆಯ ಪ್ರಕಾರ, ತೀರಿಗೊಂಡ ವ್ಯಕ್ತಿಯ ಸಾಲವನ್ನು ಅವನು ಬಿಟ್ಟುಹೋದ ಆಸ್ತಿಯಿಂದ ಮಾತ್ರ ವಸೂಲಿ ಮಾಡಬಹುದಾಗಿದೆ. ಅಂದರೆ, ಮಗನು ತೀರಿಗೊಂಡ ತಂದೆಯಿಂದ ಆಸ್ತಿ ಪಡೆದಿದ್ದರೆ ಮಾತ್ರ ಬ್ಯಾಂಕ್ ಆ ಆಸ್ತಿಗೆ ಸಂಬಂಧಿಸಿದಂತೆ ಸಾಲ ವಸೂಲಿ ಮಾಡಬಹುದು.
2. ಸಿವಿಲ್ ಪ್ರೊಸೀಜರ್ ಕೋಡ್ (CPC) ಸೆಕ್ಷನ್ 50:
ಇದು ತೀರಿಗೊಂಡ ವ್ಯಕ್ತಿಯ ಉತ್ತರಾಧಿಕಾರಿಗಳು ಆಸ್ತಿಯನ್ನು ಸ್ವೀಕರಿಸಿದಲ್ಲಿ, ಅವರು ಆ ಆಸ್ತಿಯ ಮಟ್ಟಿಗೆ ಮಾತ್ರ ಸಾಲದ ಹೊರೆಗೆ ಹೊಣೆಗಾರರಾಗುತ್ತಾರೆ ಎಂದು ಹೇಳುತ್ತದೆ.
3. ಭಾರತೀಯ ಒಪ್ಪಂದ ಕಾಯ್ದೆ, 1872:
ಈ ಕಾಯ್ದೆ ಪ್ರಕಾರ, ಒಬ್ಬ ವ್ಯಕ್ತಿಯು ಮಾಡಿಕೊಂಡಿರುವ ಸಾಲಕ್ಕೆ ಕಾನೂನುಬದ್ಧ ಜವಾಬ್ದಾರಿ ಆ ವ್ಯಕ್ತಿಯದ್ದೇ ಆಗಿರುತ್ತದೆ. ಮಗನು ಜಾಮೀನುದಾರನಾಗಿಲ್ಲದಿದ್ದರೆ, ವೈಯಕ್ತಿಕವಾಗಿ ಅವನು ಆ ಸಾಲಕ್ಕೆ ಜವಾಬ್ದಾರನಾಗುವುದಿಲ್ಲ.
ಸುಪ್ರೀಂ ಕೋರ್ಟ್ ತೀರ್ಪು – ಕೆ. ರಾಜಮೌಳಿ ವಿರುದ್ಧ ಎವಿಕೆಎನ್ ಸ್ವಾಮಿ (2001):
ಈ ಪ್ರಕರಣದಲ್ಲಿ, ಸುಪ್ರೀಂ ಕೋರ್ಟ್ ಏನು ಹೇಳಿತು ಎಂದರೆ – ಉತ್ತರಾಧಿಕಾರಿಯು ತನ್ನ ತಂದೆಯಿಂದ ಯಾವುದೇ ಆಸ್ತಿ ಪಡೆಯದಿದ್ದರೆ, ಅವರು ತಂದೆಯ ಸಾಲ ಪಾವತಿಗೆ ಜವಾಬ್ದಾರರಲ್ಲ. ಆದರೆ ಆಸ್ತಿ ಪಡೆದಿದ್ದರೆ, ಆ ಆಸ್ತಿಯ ಮಟ್ಟಿಗೆ ಮಾತ್ರ ಅವರು ಹೊಣೆಗಾರರಾಗುತ್ತಾರೆ.
ಹಿಂದೂ ಉತ್ತರಾಧಿಕಾರ ಕಾಯ್ದೆಯ ಪ್ರಕಾರ, ಪಿತ್ರಾರ್ಜಿತ ಆಸ್ತಿ ಇದ್ದು ಅದು ದತ್ತಿ, ಸಾಮಾಜಿಕ ಅಥವಾ ಕುಟುಂಬದ ಉದ್ದೇಶಕ್ಕಾಗಿ ಸಾಲ ತೆಗೆದುಕೊಂಡಿದ್ದಲ್ಲಿ, ಆಸ್ತಿಯಿಂದ ಸಾಲವನ್ನು ಪಾವತಿಸಬೇಕಾಗುತ್ತದೆ.
ಸಾರಾಂಶ:
- ಮಗನು ತಂದೆಯ ಸಾಲ ಪಾವತಿಗೆ ವೈಯಕ್ತಿಕವಾಗಿ ಜವಾಬ್ದಾರನಲ್ಲ.
- ಆದರೆ ತಂದೆಯಿಂದ ಆಸ್ತಿ ಪಡೆದಿದ್ದರೆ, ಆ ಆಸ್ತಿಯ ಮಟ್ಟಿಗೆ ಮಾತ್ರ ಸಾಲ ಪಾವತಿಗೆ ಜವಾಬ್ದಾರನಾಗುತ್ತಾನೆ.
- ಜಾಮೀನುದಾರನಾಗಿದ್ದರೆ ಮಾತ್ರ ಪೂರ್ಣ ಜವಾಬ್ದಾರಿ ಮಗನ ಮೇಲಿದೆ.
ಇಂತಹ ಸಂದರ್ಭಗಳಲ್ಲಿ, ಕಾನೂನು ಸಲಹೆ ಪಡೆಯುವುದು ಅತ್ಯಂತ ಮುಖ್ಯ. ಸಾಲದ ಹೊರೆ ಉತ್ತರಾಧಿಕಾರಿಗಳ ಮೇಲಿದೆ ಎಂಬ ಜನಪ್ರಿಯ ಭ್ರಮೆ ಯಾವಾಗಲೂ ಸತ್ಯವಿಲ್ಲ — ಅದು ಸಂಬಂಧಿತ ಕಾನೂನು provisions ಹಾಗೂ ಆಸ್ತಿಯ ವರ್ಗಾವಣೆ ಅವಲಂಬಿತವಾಗಿದೆ.
